Með lífrænt ræktað kvef

God hvað ég er orðin þreytt á þessu. Svissaði yfir í lífrænt fæði í vor og er nú með kvef í þriðja skiptið á fjórum mánuðum. Í þetta sinn er kvefpestinn búin að endast á þriðju viku.

Greinilegt að kroppurinn er ekki alveg að þola þetta óeitraða fæði.

Á einhver ráð áður en ég breytist í lífræna sveskju?

Athugasemdir

[Guðmundur Björn, 21.9.2007 kl. 06:21]

Lífrænt er svo hollt og gott!

Er að velta því fyrir mér, af hverju lífrænar vörur eru oftast dýrari en ekki lífrænar vörur, en það hlýtur að vera minni vinna við að rækta lífrænt?

[Guðrún Hulda, 21.9.2007 kl. 11:42]

Lífrænar vörur eru ekki eitraðar og því þarf að huga að þeim á annan hátt.

Það er enginn eitrun við arfa og þarf því að tína hann í burtu. Jarðaber sem vanalega eru eitruð 18 sinnum á 21 degi eru ekki eitruð svo það þarf að huga oftar að þeim og passa að pöddurnar éti ekki berin. Svo er enginn áburður notaður þannig að minna fæst í hverri uppskeru.

Oft eru lífrænu vörurnar minni þar sem engin vaxtaaukandi efni eru notuð til að auka stærð vörunnar - svona eins og vaxtahormonin í kjötinu......