ding dong dong ding ding dong - ég skil ekki orð af því sem ...

12.2.2008 | 10:43

ding dong dong ding ding dong - ég skil ekki orð af því sem þú segir!

Setti hann Georg Bjarnfreðarson í símann minn í gær sem hringitón.

Mér fannst þetta alveg frábært atriði í Næturvaktinni þar sem það lýsti svo vel forpokuðum og fordómafullum Íslendingi. Ég stillti símann á hæsta til að heyra nú örugglega í þessari frábæru hringingu!

Svo gerðist það að ég er í búningsklefa einum út í bæ og bróðir minn hringir frá Danmörku. Þétt við hliðina á mér voru tvær stúlkur, íslenskar af erlendu bergi brotnar.....og síminn glymur:

DING DONG DONG DING DING DONG - ÉG SKIL EKKi ORÐ AF ÞVÍ SEM ÞÚ SEGIR!!!!

og ég leitaði í örvæntingu að símanum.......sem hélt enn að glymja í eyru hinna íslensku útlendinga sem stóðu svo þétt upp við mig í búningsklefanum:

DING DONG DONG DING DING DONG - ÉG SKIL EKKi ORÐ AF ÞVÍ SEM ÞÚ SEGIR!!!!

Satt að segja skammaðist ég mín svo mikið mér leið einmitt öfugt við það sem ég upplifði í upphafi - eins og forpokuðum og fordómafullum Íslendingi......að ég er alvarlega að hugsa um að taka þessa hringingu út.... Blush