Menntskælingjar, grunnskrælingjar og bakaðar baunir

Atburðir síðastliðna daga hafa verið ákaflega merkilegir að mínu mati. Ljóst er að menntskrællaðir dimmiteringar hafa slegist í lið með nokkrum vörubílstjórum. Að auki hafa nokkrir grunnskrælingjar hamstrað eggjum í svo miklu magni að framkvæmdastjóri Olís þurfti að loka búllunni og hefja kreppuskammtanir.

Ef ég hefði verið ólétt hefði ég misst vatnið þegar Hitler og félagar mættu á svæðið.

Mig langaði að pakka hinum íslensk-rómversk ættaða lárviðaskreytta ljóðvæling inn í bómul - hann var eitthvað svo einlægur. 

Það varð þó eitt atvik til þess að við fjölskyldan settumst niður í fyrrakvöld og ræddum alvarlega eitt áríðandi málefni.

Tekin var sú ákvörðun að þeir sem okkur heimsækja og hafa borðað bakaðar baunir þurfi nú að temja sér vinnubrögð lögreglunnar og öskra í dyrasímann: GAS GAS GAS áður en ákvörðun er tekin um að hleypa viðkomandi inn í bygginguna. 

 

Ég er Gleraugnastrumpur

You have a BRAINY SMURF personality!

Var að taka prófið - hefði nú viljað sjá eitthvað skemmtilegra í sjálfri mér en þennan &%$#%&%$ nöldursegg!

What Smurf am I? You are Brainy Smurf. You are smart, determined and ambitious. You are always ready and willing to give advice. Your studious nature is often misunderstood. You've been called a "know-it-all", but you really just want to spread your knowledge and educate people. You want to make sure things are done properly. You don't always feel the need to share with others because the things you have, you deserve!

Sjálfstæð börn

Ansi skemmtilegur þjóðflokkur. Vert að skoða uppruna þeirra og tengsl nánar. Skyldi þessi drengur vera eitthvað skyldur frænku minni sem, enn í leikskóla, hefur tekið upp nafnið Sunneva Sól án samráðs við foreldra sína?

 

 

Atferli villisvína.....

Er alveg húkkt á þessu web cam frá Eistlandi. Ótrúlegt hvaða aðdráttarafl það hefur að fylgjast með dýralífi úti í skógi - live!

Er með heyrnatólin á og hlusta bara á náttúruhljóðin og heyri ef eitthvað breytist í umhverfinu og kíki þá á myndavélina.

Áðan kom kall með fötu með fæði og stráði út um allt. Eftir það fór heldur betur að færast líf í tuskurnar og smáfuglar sem og hrafnar hrúguðust til að fá sér að borða.

Á kvöldin koma villisvínin í hópum.....spes dýr svo ekki meira sé sagt. Hoink!

http://www.ilm.ee/~uploader/loodus/artiklid/art07metsakaameralive.php

Er ekki örugglega McDonalds á Íslandi?

Fyrir um tveimur árum síðan hitti ég Steve vin minn á Penn Station stöðinni í New York City, þar sem ég ásamt foreldrum og eiginmanni ætluðum að fara með honum til Rokonkoma á Long Island. Ætlunin var að hitta Simone vinkonu mína og fara með þeim tveimur ásamt fylgdarliði mínu út að borða og njóta þess að vera í góðra vina hópi.

Með Steve voru vinnufélagar hans og yfirmaður hans, Janice, sem ég small saman við strax og við spjölluðum eiginlega alla leiðina. Aðrir vinnufélagar hans töluðust við sín á milli fyrir utan eina, Krystu, sem skaut sér inní samræður okkar allra Íslendingana við Janice og Steve. Að öðru leyti sagði Krysta ekki mikið heldur sat út í horni og horfði út um gluggann.

Janice er ákaflega líflegur karakter (kemur þannig fyrir). Hún er hávaxin, grönn og brúnhærð með brún augu. Krysta aftur á móti, er lítil, dökkhærð og afar frjálslega vaxin.

Janice sagðist þjást af Psoriasis húðsjúkdómnum og að hún væri mjög slæm. Krysta skaut inn í að hún væri líka slæm í húðinni en þagnaði svo og fór að horfa út um gluggann. Janice bað mig að koma með Bláa Lóns vörur til sín næst þegar ég kæmi til NYC og hún skildi kaupa eitthvað fyrir mig í staðin sem ég fengi ekki á Íslandi, eins og Victoria Secret vörur.

Mér fannst það nú bara góður díll og þegar ég kom til NYC sl. haust mætti ég með fullan poka af Bláa Lóns dótaríi. Ég hitti Steve og Simone og hann sagðist koma varningnum áfram.

Stuttu síðast bárust emilar frá Steve um að hún væri í skýjunum og flögraði um skrifstofuna af gleði. Hún fór víst strax að kaupa handa mér allskonar VS dótarí sem hún ætlaði að koma með með sér til Íslands nú í mars.

Þegar leið að því að hún kæmi fór Steve að senda allskonar emila um hvar hún ætlaði að vera, hvort ég gæti hitt hana á þessu hóteli klukkan þetta eða hitt og síðast en ekki síst kom emill þar sem örvænting hafði gripið um sig: "var ekki örugglega McDonalds á Íslandi"???

Ha, jú, jú og alveg fullt af svona hamborgarastöðum...svaraði ég undrandi, enda Janice ekki alveg hamborgaratýpan.

Svo á laugardaginn beið ég í andyrinu á fínu hóteli hér í borg, eftir því að Janice og maðurinn hennar kæmu niður. Við hjónin höfðum farið í okkar næst fínasta púss....enda að fara að borða á einum fínasta veitingastað borgarinnar.

Lyftan opnaðist og út gengu tveir heilsandi litlir feitir ameríkanar...........í íþróttafötum.

Maðurinn minn sagði upphátt....en sem betur fer á íslensku...þetta er ekkert hún! og ég sagði með hægri vörinni brostu og heilsaðu.

Þetta var Krysta.....skrítið þegar maður á von á allt annarri manneskju og þarf alveg að tóna sig niður og endurstilla sig fyrir annað fólk....skrítið.

Við settumst niður á veitingahúsið og Krysta tók það strax fram að hún borðaði sko alls ekki fisk og því síður grænmeti. Bara kjöt og hamborgara.

En hræðslan við það að fá ekkert að borða á Íslandi hafði skilað sér í ferðatösku Krystu því hún hafði tekið með sér nokkra snakkpoka, kleinuhringjapakka og kexkökur að heiman fyrir þessa þrjá daga sem hún dvaldi hér.

Þegar við kvöddum Krystu og mann hennar þögðum við lengi þar til maðurinn minn sagði....."þessi hjón eiga ekki eftir að lifa lengi".

Snilldarhugmynd

Frábært framtak! Þetta kallar maður að taka til hendinni - þessir aðilar eiga hrós skilið

Svo má bara ekki gefast upp..............

Máluðu yfir veggjakrot í miðborginni

Brunabótamat - markaðsvirði fasteignar

Afhverju er svona mikill munur á þessu? Brunabætur fyrir fasteign eru helmingur af því sem markaðsvirði fasteignar er.....hvað er það?

Hver ætli rökin séu?

Run Forrest Run!

Hafði það af að mæta á 2 klst æfingu að morgni föstudagsins langa. Æfingarnar í vikunni sem leið voru ansi erfiðar, mikið um hlaup og spretti upp Hallarmúlan á tíma. Umhverfið var mjög fjölbreytt: Penninn, bílar, svifryk, Múlakaffi nettlega skreytt með ælu í einu horninu eftir einhvern Boot Camparann.

Það eru mikil hlaup núna enda gott veður. Ég er satt að segja búin að hlaupa svo mikið að ég er farin að skrolla. 

Ég hata hlaup. Ég hef alltaf verið hlunkur og að sjálfsögðu er ég ALLTAF síðust. Það er meira segja svo slæmt að ein konan í hópnum sagði við mig lafmóð: "ég er svo feginn að þú ert í þessum tímum með mér því nú er ég ekki lengur síðust"!

Ég gat ekki annað en hlegið en samt....ef maður er settur í hóp á æfingu er öllum hópnum refsað ef ég t.d. hleyp of hægt...sem ég geri.

Svo hægt að einn þjálfaranna hrópaði eitt sinn á eftir mér: "Run Forrest Run"! 

 

Alger vanvirðing ef rétt reynist

Hvaða leyfi hefur læknir til þess að taka efsta lag höfuðkúpunnar eftir krufningu og gefa hana?

Það vill svo til að ég er menntaður beinamannfræðingur og hef nú heyrt ýmislegt tengt þessum fræðum og gjörðum fólks sem vinnur að þessum málum - en sem betur fer hef aldrei orðið vitni að slíku - en ég hef aldrei heyrt um jafnmikla vanvirðingu og þessari.

Sama er með beinafundinn í þakrennunni fyrir nokkrum árum er læknanemar, að talið er, settu beinin þangað til þess að fela þau.

Þarf ekki að fara kíkja í toppstykkin á þessu liði áður en því er afhent leyfi til lækninga?

Ekki frekari eftirmál af beinfundinum

Fiskimarkaðurinn Par Excellance

Það eru nú um tvær vikur sem ég fór þangað með æskuvinkonu minni....og ég er enn að hugsa um staðinn, matinn og þjónustuna. Þetta var eitt af þessum fágætu kvöldum sem bara allt small saman.

Staðurinn er afskaplega notarlegur og þægilegur. Andrúmsloftið er þægilegt. Snyrtingin minnir helst á Balthazar veitingastaðinn í SoHo New York...afskaplega smekkleg og þægileg.

Maturinn.....hreint og tær snilld. Við fengum okkur sushi í forrétt og ég fullyrði það að þetta var besta sushi sem ég hef fengið fyrr og síðar. Einhvern veginn eigum við erfitt með hrísgrjónin hér á landi....en þarna var allt eins og best var á kosið. Sushi með túnfisk, sushi með lax, sushi þetta og sushi hitt....gersamlega divine. Borið fram á ís - getur það orðið betra

Vínið frá Alzace - hefur ekki klikkað hingað til. Alltaf nóg af vatni á borðinu - enda nauðsyn þegar vín er haft við hönd.

Við gæddum okkur á þessum yndislega rétt og var ég svo gráðug að ég át af disk vinkonu minnar líka.....spurning um að sýna smá stillingu - nei ekki hægt!!!

Á meðan við biðum eftir aðalréttinum kom þjónninn okkar með smakk - þar sem honum fannst við hafa beðið of lengi?! Við höfðum nú ekki upplifað það enda ánægðar með félagsskapinn

Smakkið reyndist vera krabbakjöt og fiskur - man ekki hvað það var - en það var absolutely gorgious og áttum við þá eftir að fá aðalréttinn....sem sló öllu út.

Við höfðum pantað okkur misómarineraðan þorsk með tígrisrækjum á prjóni.....með mísósósu..nammi namm....þvílíkt sælgæti. Við stundum við hvern bita....orðnar ansi saddar af öllum þessum mat. Það er vel útilátið á þessum stað - og bragðgæðin eru í heimsklassa.

Þjónninn var í ofanálag alveg ótrúlega skemmtilegur! Rauðhærð kona sem reytti af sér brandarana og hafði svör á reiðum höndum. Mig langaði til þess að pakka henni niður og taka með heim.

Ég mun koma aftur á Fiskimarkaðinn....aftur og aftur.....